Despedida Estajiariu Nain 2 ESTV iha Hadomi Timor

hadomi timor

Dia 21 Fevereiru 2019, estudante estajiariu nain 2 kompostu husi feto ida ho naran Eva no mane Joao husi Eskola Vokasional Informatika Becora halo serimonia despedida simples nebe perpara husi estudante nain ne rasik, objetivu husi despedida hanesan meus atu hato’o agradese ba Fundasaun Hadomi Timor nebe ho laran ksolok simu estudante refere hodi halao estajiu durante fulan rua.

Estudante nain rua senti orgullu tebes ba privilejiu bot ida ne tamba bele aprende buat barak husi maun sira ekipa Fundasaun Hadomi Timor nebe sempre akompana nafatin no fahe esperensia importante iha area oioin no la hetan iha eskola.

Maun Nicho Linux mos reafirma katak Hadomi Timor nafatin ho komitmentu nakloke ba eskola nebe deit hodi halo estajiu ka peskiza iha fatin ida ne’e, Hadomi Timor mos husu agradese ba Eskola Vokasional Informatika Becora nebe fo ona konfiansa baa mi hodi husi estudante sira mai estajiu iha ho ami durante fulan 2.

Maun Nicho Linux iha biban ida ne’e husu deskulpa ba estudante nain rua no diretur eskola kona ba atendimentu nebe karik ladun kona estudante sira laran ka ladun apar ho estudante sira nia espetativa karik, lori naran Hadomi Timor dala ida tan husu deskulpa.

Iha oportunidade ne’e Diretur Eskola agradese tebes ba Fundasaun Hadomi Timor nebe simu ona ami nia estudante sira hodi halo estajiu durante fulan 2 hodi kompleta sira nia estudu eskola nian.

Diretur ne’e husu Fundasaun Hadomi Timor atu disponibiliza nafatin no nakloke nafatin ba ami nia eskola hodi halo estajiu.

Diretur LH, Cordenador TLCE, Diretur STM no Diretur Hadomi Timor
Foto Estajiariu ho Diretores sira

Relevant Pulications

Leave a Comment