Dili, Timor Leste   +670 78045486
hadomi timor

Fundasaun Hadomi Timor organiza workshop Design Grafis – Inkscape

Loron 14 Agustu 2021, Fundasaun Hadomi TIMOR – FHT realiza workshop kona ba Graphic Design ho Software OPEN SOURCE INKSCAPE, fasilita husi Sr. Miguel Gamboa, Gamboa hanesan alumni ida husi Fundasaun Hadomi Timor iha programa kursu IT SMART nian no Gamboa hanesan estudante ida nebe sempre hatudu nia prestasaun diak tebes durante hala’o nia prosesu aprendisagem iha FHT, workshop ida ne’e hetan apoio tekniku husi ekipa IT SMART Academy, iha salaun Luta Hamutuk farol, Dili.

Objetivu husi workshop Design Grafis ne’e atu estudante ka partisipante sira bele iha abilidade hodi kria objetu rasik hanesan dezenu Logo, Banner, Browsura, Kamizola, Mapa, Livru no objetu sira seluk tan.

Partisipante sira iha Workshop Design Grafis – INKSCAPE ida ne’e mai husi estudante universitariu publiku no privadu sira, estudante sira ensinu sekundariu tekniku vokasional, alumni no estudante ativa IT Smart, programa espesifiku sira iha Fundasaun Hadomi Timor nian no publiku em jeral.

Iha biban ida ne’e Fundasaun Hadomi Timor hato’o mos agradese ba Sr Brians Korton nebe Ohin mai partisipa workshop hanesan partisipante.

Sr. Brians Korton hanesan formador Lian Ingles iha Fundasaun Hadomi Timor ne’e rasik.

Workshop Design Grafis Inkscape

Bravo FHT

remata

Media Hadomi Timor.

hadomi timor

Fundasaun Hadomi Timor realiza wordpress Microsoft Excel & Access Advance

Loron 7 Agusto 2021, Fundasaun Hadomi Timor organiza workshop loron rua (2) iha sesta 6 Agusto no sabdu 7 Agusto 2021 kona ba Microsoft Excel & Access Advance iha salaun Coffee and Books Luta Hamutuk – Hadomi Timor farol, Dili.

Materia sira nebe aprezenta no pratika iha workshop loron rua ne’e mak hanesan Konesementu Jeral kona ba operasaun Microsoft Excel no Access, konese formula no uza formula excel nian husi baziku to’o formula avansadu, kria baze dadus (database) estudante hahu husi kria tabela, kria formulariu no relatoriu sira.

Fasilitador ba workshop loron rua ne’e mak hanesan Sr. Jose Alfredo no Hermundo Barreto no apoio tekniku husi Ekipa IT SMART ACADEMY.

Partisipante sira iha Workshop Excel no Access ida ne’e mai husi estudante universitariu publiku no privadu sira, estudante sira ensinu sekundariu tekniku vokasional, alumni no estudante ativa IT Smart, programa espesifiku sira iha Fundasaun Hadomi Timor nian no publiku em jeral.

hadomi timor

Fundasaun Hadomi Timor realiza wordpress ba dala II

Loron 31 Jullu 2021, Fundasaun Hadomi Timor liu husi divizaun Web Community Hadomi Timor – WCHT organiza workshop loron tomak kona ba Content Management System ka CMS WordPress ba segunda (II) faze iha salaun Coffee and Books Luta Hamutuk – Hadomi Timor farol, Dili.

Materia sira nebe aprezenta no pratika iha workshop refere mak hanesan Konesementu Jeral kona ba saida mak CMS liu-liu WordPress ne’e rasik, instalasaun wordPress iha localhost ho nia konfigurasaun baziku sira, konfigura layout, template, plugin no Customize baziku seluk tan.

Fasilitador iha workshop wordpress ohin loron nian mak Sr. Sipriano da Costa no apoio tekniku husi Ekipa IT SMART ACADEMY.

Partisipante sira iha Workshop WordPress ida ne’e mai husi estudante universitariu publiku no privadu sira, estudante sira ensinu sekundariu tekniku vokasional, alumni no estudante ativa IT Smart, programa espesifiku sira iha Fundasaun Hadomi Timor nian no publiku em jeral.

hadomi timor

Fundasaun Hadomi Timor realiza workshop kria Web-Blog

Loron 30 Jullu 2021, Fundasaun Hadomi Timor realiza workshop kona ba Kria Web Blog ho Blogspot iha salaun Fundasaun Falur Rate Laek, mandarin Dili.

Objetivu husi workshop ne’e atu sidadaun hotu hotu iha konesementu hodi kria rasik Blog nune’e bele hariku konteudu lokal iha internet, tamba Fundasaun Hadomi Timor haree katak durante ne’e konteudu lokal Timor nian iha internet menus tebes.

Workshop ida ne’e atu ajuda sidadaun sira nebe hakarak publiku materia, esperensia, referensia, artigu ruma hodi bele ajuda fila fali maluk Timor oan sira seluk hodi fasil buka informasaun liga ho konteudu lokal.

Hadomi Timor iha komitmentu bot hodi nafatin kontinua organiza workshop ho topiku oioin nune’e bele ajuda sidadaun sira hodi kontribui ba dezenvolvimentu Timor-Leste nian liuliu iha area Teknolojia Digital.

Partisipante sira workshop ne’e mai husi estudante ativu UNTL, IOB, DIT, Unital no eskola sekundaria publiku no privadu iha Dili laran inklui sira nebe graduana ona husi Universidade balun, workshop refere fasilita husi Sr. Hermundo Barreto, Alumni IT SMART Fundasaun Hadomi Timor no atual staff Hadomi Timor no atividade ne’e suporta masimu husi IT SMART ACADEMY.

remata

Media Hadomi Timor

hadomi timor

Fundasaun Hadomi Timor organiza workhsop Microsoft Office Word no Power Point Basic & Advance

Loron 17 Jullu 2021, Fundasaun Hadomi Timor – FHT organiza workshop kona ba Microsoft Office Word no Power Point Basic & Advance iha salaun Coffee & Books Luta Hamutuk, farol Dili.

Objetivu husi workshop atu kapasita foin sa’e sira hodi iha konesementu ba operasaun baziku no avansadu ba aplikasaun Microsoft Office Word no Power Point ba sira nia atividade aprendisagem no serbisu lorloron nian.

Fasilitador ba workshop refere mak Sr. Hermundo Barreto no apoio tekniku husi Ekipa IT SMART ACADEMY.

Partisipante sira iha Workshop WordPress ida ne’e mai husi estudante universitariu publiku no privadu sira, estudante sira ensinu sekundariu tekniku vokasional, alumni no estudante ativa IT Smart, programa espesifiku sira iha Fundasaun Hadomi Timor nian no publiku em jeral.

hadomi timor

Fundasaun Hadomi Timor organiza workshop Web Design with Pure HTML & CSS

Loron 10 Jullu 2021, Fundasaun Hadomi Timor – FHT realiza Workshop ho tema Web Design with Pure HTML & CSS iha Salaun Coffee & Books Luta Hamutuk, farol Dili.

Objetivu husi workshop ne’e atu ajuda estudante sira fo konesementu hodi kria rasik sira nia website ka dezenu rasik sira nia portal ka instituisaun sira nian, nune’e bele ajuda halo digitalizasaun informasaun iha instituisaun sira, tamba Fundasaun Hadomi Timor haree katak iha instituisaun barak mak seidauk iha website hodi publika sira nia atividade lorloron nian.

Fundasaun Hadomi Timor iha nafatin komitmentu bot hodi kontinua organiza workshop ho topiku oioin nune’e bele ajuda sidadaun sira hodi kontribui ba dezenvolvimentu Timor-Leste nian liuliu iha area Teknolojia Digital.

Partisipante sira workshop ne’e mai husi estudante ativu UNTL, IOB, DIT, Unital no eskola sekundaria publiku no privadu iha Dili laran inklui sira nebe graduana ona husi Universidade balun, workshop refere fasilita husi Sr. Jose Alfredo, Alumni IT SMART Fundasaun Hadomi Timor no atual staff Hadomi Timor no atividade ne’e suporta masimu husi IT SMART ACADEMY.

Sr. Jose Alfredo entrega hela Certifikadu Workshop Web Design ba Estudante/partisipante

hadomi timor

WCHT Organiza Workshop WordPress

Ohin Loron Domingu 28 Fevereiru 2021, Fundasaun Hadomi Timor liu husi divizaun Web Community Hadomi Timor – WCHT organiza workshop loron sorin kona ba Content Management System ka CMS WordPress iha salaun Coffee and Books Luta Hamutuk – Hadomi Timor farol, Dili.

Foto : Workshop wordPress organiza husi Web Comunity Hadomi Timor – WHCT

Materia sira nebe ohin aprezenta no pratika iha workshop ne’e mak hanesan Konesementu Jeral kona ba saida mak CMS liu-liu WordPress ne’e rasik, instalasaun wordPress iha localhost ho nia konfigurasaun baziku sira, konfigura layout, template, plugin no Customize baziku seluk tan.

Fasilitador sira iha workshop ohin mak hanesan Jose Alfredo, Cipriano da Costa, Hermundus Barreto, Feliciano no Julia.

Partisipante sira iha Workshop WordPress ohin mai husi estudante universitariu publiku no privadu sira, estudante sira ensinu sekundariu tekniku vokasional, alumni no estudante ativa IT Smart, programa espesifiku sira iha Fundasaun Hadomi Timor nian no publiku em jeral.

Foto : Workshop wordPress organiza husi Web Comunity Hadomi Timor – WHCT

Media FHT

hadomi timor

Hadomi Timor Organiza Workshop SOFTWARE DEVELOPMENT TRENDS IN 2020

Ohin, 29 Novembru 2020, Fundasaun Hadomi Timor organiza workshop ida ho tema SOFTWARE DEVELOPMENT TRENDS IN 2020 no Fasilitador ba workshop ne mai husi Developer Junior Kompana Similie, Sr. Julio Vaz, Sr Julio uluk halo nia studo iha Thailandia hanesan Bolsu Estuda Governu Timor-Leste nian.

Developer ne’e aprezenta kona ba AI, IOT – Internet of Thinks, Machine Learning nebe halo husi Python, Big Data, Data Engineer no Data Science.

Sr. Julio mos esplika vantagem no dezvantagem husi Software Development Life Cycle, Agile no oinsa uza Framework sira hanesan programasaun dark, JavaScript, nodejs, raect native mobile, java oop, C++ no seluk tan.

Developer ne’e husu ba developer foun sira atu domina uluk linguajem ida molok atu aprende tan linguajem seluk, tamba bainhira domina ona linguajem mak fasil tebes ona adpata ba linguajem sira seluk.

Depois workshop ne remata Fundasaun Hadomi Timor iha ona komitmentu ho Software Developer ne’e hodi kontinua fahe esperensia no skill nebe Developer iha ba estudante sira husi Fundasaun Hadomi Timor no mos ba publiku hotu.

Iha biban ne mos Diretur Hadomi Timor kontinua husu ba partisipante sira atu nafatin badinas hodi aprende maske linguajem programasaun ne’e difisil maibe bainhira aprende bebeik mak sei toman no sei fasil liu hodi uza.

Foto Fasilitador Sr Julio Vaz, Diretur Nicho Linux no Media Similie
Foto Partisipantes Workshop Software Development trends 2020
Foto Partisipantes Workshop Software Development trends 2020
Foto Partisipantes Workshop Software Development trends 2020

hadomi timor

Hadomi Timor, Workshop Bloging Blogspot Periodu IV 2020

Dia 29 Fevereiru 2020, Fundasaun Hadomi Timor organiza tan workshop ba dahat kona ba oinsa kria web blog uza blogspot, iha farol Dili Timor-Leste
Objetivu husi workshop ne’e rasik nafatin atu kapasita estudante sira hodi hatene oinsa atu kria blogspot rasik, workshop ida ne’e sei nafatin kontinua iha tempu oin mai.
 Partisipante husi workshop ne’e mai husi estudante sira kursu IT Smart Fundasaun Hadomi Timor nian, no kursu jeral sira, iha workshop ohin nian iha mos alumni Hadomi Timor nebe marka prezensa mos.

Fasilitador ba workshop ne’e mak Maun Nicho Linux ho ekipa IT Smart Academy.